დინამო თბილისი (საქართველო) 2:0 ცვერნა ზვეზდა (სერბეთი)

დინამო თბილისი: ლორია, თომაშვილი, კოშკაძე (77. ფირცხალავა), ხმალაძე, შ. კაშია, მერებაშვილი (86. აკირემი), ვაწაძე, დიღმელაშვილი, ნერგაძე, კაკუბავა (62. ლომია), გ. კაშია.

ცრვენა ზვეზდა: პავლოვიჩი, სავიო, იგნიატიევიჩი, ლიკიჩი, ტუტორიჩი, ლაზეტიჩი (72. ნიკოლიჩი), ჯორჯევიჩი, იევტიჩი (62. პეროვიჩი), ნინკოვი, ისა, ბოგდანოვიჩი (57. კადუ). 

მთავარი მსაჯი: პოლ ვან ბოეკელი (ჰოლანდია)

41წთ - მერებაშვილი (1:0)

88წთ - ხმალაძე (2:0)

ბორის პაიჭაძის სახელობის ეროვნულ სტადიონზე შემდგარი „დინამო“ – „ცრვენა ზვეზდას“ მატჩის შემდეგ, რომელიც „დინამოს“ გამარჯვებით 2-0 დასრულდა, გუნდების მთავარმა მწვრთნელებმა ჟურნალისტებისთვის პრესკონფერენცია გამართეს.

კახი კაჭარავა - „დინამოს“ მთავარი მწვრთნელი:

„სასიხარულოა, რომ მოვიგეთ ეს თამაში, თანაც 2-0. მინდა, ფეხბურთელებს დიდი მადლობა ვუთხრა კარგი თამაშისთვის, ისინი 100 პროცენტით დაიხარჯნენ მინდორზე. რაც ვთხოვე, რომ ბოლო წამამდე კონცენტრირებულნი ყოფილიყვნენ, შეასრულეს.

მოგეხსენებათ, „ცრვენა ზვეზდა“ არ არის უბრალო გუნდი, იგი დიდი ტრადიციების მატარებელია. ასეთი დონის გუნდთან 2-0-ის მოგება ძალიან მნიშვნელოვანია.

ძალიან ბევრი საგოლე მომენტი გავუშვით ხელიდან, მაგრამ მთავარი შედეგია, რომელიც ჩვენს სასიკეთოდ მეტყველებს.

დღევანდელ მატჩში მერებაშვილის თამაშს გამოვყოფ. იგი დიდ ძალას წარმოადგენს ჩვენი გუნდისთვის. დასანანია, რომ შემდეგ თამაშში ვერ დაგვეხმარება.

მოგეხსენებათ, სათადარიგო ფეხბურთელების ნაკლებობას განვიცდით, სწორედ ამ მიზნით, ვაპირებთ, ახლების დამატებას“.

ვლადიმერ პეტროვიჩი - „ცრვენა ზვეზდას“ მთავარი მწვრთნელი:

„პირველ რიგში, „დინამოს“ ვულოცავთ გამარჯვებას. ჩვენ ძალიან ცუდად ვითამაშეთ, განსაკუთრებით დიდი შეცდომა მცველებმა მაშინ დაუშვეს, როცა მეორე გოლის გატანის შანსი მისცეს მეტოქეს.

განმეორებითი თამაში სახლში გვექნება, სადაც შევეცდებით იგივე აღარ გავიმეოროთ და „დინამოს“ კარგად მომზადებულნი დავხვდეთ.

ძალიან სასიხარულოა ჩვენთვის ის ფაქტი, რომ გიორგი მერებაშვილი ვერ დაეხმარება თავის გუნდს, ეს ფეხბურთელი ანგარიშგასაწევი ძალაა, რაც დღევანდელ თამაშშიც დაგვიდასტურა“.

„დინამოს“ ფეხბურთელები საკუთარ გამარჯვებას ფან-კლუბთან - „გლადიატორებთან“ ერთად ზეიმობდნენ, რამდენიმე მათგანმა Geosports.ge-ს გაუზიარა ემოცია.

გიორგი მერებაშვილი:

„კარგად ვიცოდით, რომ რთული მატჩი გვექნებოდა, რისთვისაც სათანადოდ მოვემზადეთ. მოედანზე მეტოქე...